Adventkalender 15. Dezember
Bild: Hans Schnitzhofer
So wia´s war?
Heit hot ma tramt,
es is wieda ois so, wia´s war.
A schöna Tram.
Aia san beinand gsessn,
ham mitnand gsunga und glacht,
ham uns umarmt,
überoi hod d´Musi gspuit,
mia ham zünftig Brotzeit gmacht
und a frische Halbe trunga.
Wia i wach wordn bin, war´s wieda vorbei.
Ois staad, weit ausanand, koa Umarmung,
und doch vielleicht a a Chance für de Welt.
Mia soin wieda a weng achtsama sei,
friedlicha im Umgang mitanand,
de Liab zuanand hegn und pflegn.
Irgendwia hätt´s sowieso in a Sackgassn gführt,
des oiwei mehra, schnella, bessa, größa.
Iatz werdn die Leut oft erfinderisch und kreativ,
wos ma doa konn, wia ma an Ausweg findt,
wia ma de Hoffnung am Lebn erhalt.
Lass ma uns ned nach untn ziagn,
bewahr ma uns de kloane Freid,
zünd ma a Liacht der Hoffnung o,grod iatz im Advent.
Dann konn in unsre Herzn d`Liab eiziaghn.
Mit diesem wunderbaren Covid-Advent-Gedicht von Anni Utz und einem wunderbaren Lied, gesungen vom "DREI-ECK" wünsche ich euch einen gesegneten Tag!
