Adventkalender 30. November

Advent

D´Sunn ziagt d´allerkürzest Bahn,
hat koa Kraft, woamt nimma a
i dem helln, eiskalten Schein
kimmt auf a Hoffn, hoamlichs Gfrein. 

Da Schnee, der kimmt vom Berg is Tal,
a Funkitzn a Glanzn überall.
Stad tragt im Wald a jeda Ast
Dö glitzernde, floamwoachi Last. 

So voi Friedn, is d´Natur,
laß ma´s Hastn, schaun dazua:
Daß ma selba a Wohnstadl werdn
Für d´göttliche Liab auf dera Erdn.

Maria Lindenthaler

Das Foto heute ist von Maria Pomberger aus Lungötz; das Gedicht hat Monika Schwaighofer aus Rußbach geschickt.

Ich wünsche allen einen gesegneten Tag!
P. Virgil